Me dekada vonesë, Stacioni  Hekurudhor i Tetovës është rinovuar tërësisht dhe ka marrë pamje tjetër, marrë parasysh se ky vend ishte vend-ndalesë për qentë endacak, përdoruesit e drogës si dhe i mbuluar nga pluhuri vetëm disa muaj më herët. Drejtori i Ndërmarrje Publike “Hekurudhat e Maqedonisë”, Festim Halili, potencoi se ky projekt ka kushtuar gjithsej 7.3 milion denarë dhe se tanimë Tetovarët do të kenë edhe një hapësirë të re publike për ta shfrytëzuar, shkruan Portalb.mk.

Portalb.mk vazhdimisht ka informuar për mungesën e investimeve në stacionet hekurudhore në vend, shumica e tyre vazhdojnë të funksionojnë pa ngrohje, të zbrazëta, pa drita dhe me interier tërësish të shkatërruar.

• LEXO: Tmerri i stacioneve lokale hekurudhore: të shkatërruara, të ftohta, të errëta, pa pajisje

Kështu dukej Stacioni Hekurudhor i Tetovës vetëm disa muaj më herët:

• LEXO: Nëse ju mungon Jugosllavia, atë e gjeni në Tetovë (FOTO)

Si duket tani?

Ky stacion është ndërtuar për herë të parë në vitin 1952 dhe që atëherë, vetëm një intervenim ka pasur në vitet e 80 edhe atë në pjesën e pullazit të objektit. Drejtori i NP “Hekurudhat e Maqedonisë” tha se ky projekt ka kushtuar 7.3 milion denarë dhe se i njëjti do të mund të shfrytëzohet që sot.

“Është kënaqësi e veçantë të ndodhem sot pranë Stacionit Hekurudhor të rinovuar të Tetovës, i cili është ndërtuar në vitin 1952 dhe që atëherë ka pasur vetëm një intervenim në vitet e 80 kur është ndryshuar pullazi. Ndërsa sot, kemi bë renovim të tërësishëm. Ky projekt ka kushtuar gjithsej 7.3 milion denarë. Me këtë projekt besoj se tetovarët do të kenë edhe një pjesë tjetër publike ku do të mund të shfrytëzojnë parqet e këtij stacioni të cilat janë të parapara që vitin e ardhshëm të mund të ndërtohen në një projekt të caktuar” tha Festim Halili, drejtori i Ndërmarrjes Publike “Hekurudhat e Maqedonisë”.

Çfarë është ndryshuar në këtë stacion?

• Është bë ndërrimi i tërësishëm i pullazit të stacionit,
• Është ndërtuar dhe është zgjidhur problemi me kanalizimin atmosferik,
• Është digjitalizuar pjesa me server, gjegjësisht janë vendosur kamera që do të mbulojnë 360 shkallë të objektit dhe përreth tij,
• Janë ndryshuar dyert dhe dritaret,
• Ka pasur intervenime në pjesën sanitare të hekurudhës, objektet sanitare janë ndërtuar brenda sallës pritëse për pasagjerët,
• Janë ndryshuar pragjet në pjesën e trasesë hekurudhore,
• Është asfaltuar pjesa e parkingut të stacionit hekurudhor,
• Është ndërtuar ndriçimi publik.

Çfarë duhet bërë më tej?

Një kozmos i errët me shumë vryma, i quajti drejtori i NP “Hekurudhat e Maqedonisë”, Festim Halili problemet me infrastrukturën hekurudhore. Një prej problemeve më të theksuara janë kalimet mbi hekurudhore të cilat përbëjnë rrezik publik, për këtë, është e nevojshme vendosja e trarëve për rampat.

“Sigurisht që problemet në infrastrukturën hekurudhore janë një kozmos i errët me shumë vrima të zeza që mundohemi një nga një ti plotësojmë, një nga problemet janë kalimet mbi hekurudhore, në tërë territorin e RMV-së ekzistojnë rreth 300 të tilla, të gjitha janë të pajisura me sinjalistikë me shenja, për të dyfishuar sigurinë duhet të vendosen edhe trarë për rampat, të cilat janë të kushtueshme por kemi fituar projekt në IPA 3 dhe presim së shpejti të filloje prokurimi publik për 20 trarë të rinj të cilat do të vendosen mbi kalimet hekurudhore që kanë frekuentim më të shpeshtë” shtoi Festim Halili.

Stacioni i rinovuar hekurudhor në Tetovë është vendosur në funksion nga sot dhe të gjithë pasagjerët mund ta shfrytëzojnë atë, aktualisht nuk janë vendosur ulëse në vendin e pritjes për shkak të pandemisë me virusin korona.

Një tren metroje të hënën në Holandë i shpëtoi një përplasjeje fatale, pasi pas një pengese sigurie doli nga shinat, por u pengua të binte në ujë nga një skulpturë gjigante e bishtit të një balene. Ngjarja ndodhi në stacionin “De Akkers” të Roterdamit 30 minuta pas mesnate transmeton Portalb.mk.

“Për fatin tonë, operatori i metrosë doli nga automjeti i padëmtuar. Nuk kishte asnjë udhëtar të pranishëm,” tha kompania, njofton CNN.
Shkaku i rrëzimit ende nuk dihet, por një hetim është duke u zhvilluar, ndërsa Kompania e transportit RET po diskuton se si të shpëtohet më mirë treni.

Ngjarja ka ndodhur pak pas mesnatës në Spijkenisse, afër qytetit port të Roterdamit, ku nga pamjet duket se pjesa e përparme e trentin mbeti varur 10 metra mbi ujë, e mbështetur vetëm nga skulptura gjigante me ngjyrë argjendi.

“Treni doli nga binarët dhe u ul në një monument të quajtur Saved by the Ëhale’s Tail. Kështu ndodhi fjalë për fjalë. Për shkak të bishtit të balenës, shoferi në të vërtetë u shpëtua, është e pabesueshme,”  ka thënë Carly Gorter nga autoriteti rajonal i sigurisë në Rijnmond.

Ajo përmban dy bishta të mëdha balene që dalin nga uji, njëra prej të cilave shpëtoi trenin.

Po të mos kishte qenë për statujën e balenës, krijuar nga arkitekti Maarten Strujis gati 20 vite më parë, treni do të kishte rënë nga një lartësi prej gati 10 metrash. I pyetur nga mediat vendase, ai tha se kishte menduar që bishti do të ishte dëmtuar në rast të një aksidenti të tillë, pasi ishte prej plastike, por fatmirësisht ia doli të shpëtojë edhe jetë njerëzish.

Vazhdon të jetë situata dramatike në zgjedhjet e Shteteve të Bashkuara të Amerikës (SHBA), pasi që ende nuk ka përfunduar numërimi i votave. Biden i është afruar fitores, pasi që i ka fituar shtetet Miçigan dhe Uiskonsin, të cilat në zgjedhjet e fundit i kishte fituar Trump. Votat elektorale të Bidenit kanë arritur në 253, ndërkaq Trump ka mbetur me 214. Për t’i fituar zgjedhjet, Bidenit i duhen edhe 17 vota elektorale, njofton Portalb.mk.

Vazhdon gara e ashpër në shtetet ku vazhdon numërimi, gjegjësisht në Pensilvani, Karolinë të Veriut, Xhorxhia, Nevada, Arizona dhe Alaska. Biden është pranë fitores pasi që nëse i fiton shtetet Arizona dhe Nevada të cilat së bashku kanë 17 vota elektorale, mund t’i arrijë 270 votat e nevojshme për t’u bërë president. Por ende asgjë s’ka përfunduar, fituesi do të vendoset në orët apo ditët e ardhshme.

Sipas CNN, Momentalisht Biden ka epërsi ndaj Trumpit në të dyja shtetet, gjegjësisht në Arizona, prej 86% të votave të numëruara Biden ka 50,5% të votave, ndërkaq Trump 48,1%, nga ana tjetër në Nevada, prej 86% të votave të numëruara Biden ka 49,3% të votave, ndërkaq Trump 48,7%.

Nga ana tjetër vazhdon numërimi edhe në dy shtetet ku Trump është duke udhëhequr, në Xhorxhia dhe Pensilavnia – këtu nuk dihet ende fituesi pasi që trendi rritës i Bidenit në këto shtete mund ta përmbys rezultatin.

Në Pensilvanija prej 89% të votave të numërurara, Trump ka 50,7%, ndërkaq Biden 48,1%. Nga ana tjetër, në Xhorxhia nga 95% e votave të numëruara 49,6% ka Trump, ndërkaq 49,1% ka Biden.

Republikanët e Trumpit kanë deklaruar se do të kërkojë rinumërim të votave në disa qarqe të Uiskonsinit, edhe pse ekspertët zgjedhorë thonë se margjina e fitores normalisht është e vështirë për t’u kapërcyer në rinumërim.

Fushata e e Trumpit, ka nisur procese gjyqësore në Miçigen, Pensilvani dhe Xhorxhia, duke kërkuar ndalimin e numërimit të votave dhe qasje më të mirë të vëzhguesve të fushatës.

Paditë u ngritën edhe pse nuk ka asnjë provë për keqbërje ose pasaktësi nga ana e zyrtarëve zgjedhor.

Dhjetëra mbështetës të zemëruar të Trumpit shkuan te qendrat e numërimit të votave në Miçigen dhe Arizona, ndërsa kundërshtarë të tij dolën në rrugë në disa qytete, duke kërkuar rezultat të plotë.

Shumë vetë qëndruan jashtë sallës duke shprehur protestën e tyre dhe duke kënduar “Zoti e bekoftë Amerikën”, ndërsa një grup i dytë i sfiduesve republikanë të zgjedhjeve të cilëve u ishte refuzuar hyrja u vendosën në një rreth për t’u lutur dhe brohorisnin “Ndalo votën” dhe “Ndalo numërimin “.

Presidenti republikan Donald Trump e fitoi Miçiganin me një epërsi të lehtë në vitin 2016, por të mbrëmë organizatat kryesore të mediave, parashikuan se demokrati Biden kishte fituar në këtë shtet. Trump e ka bërë të qartë se do të luftojë për ta ndryshuar rezultatin atje.

“Ne e dimë se dhjetra mijëra vota nuk janë numëruar ende” në Detroit, Grand Rapids, Flint, Kalamazoo dhe qytete të tjera, tha Sekretarja e Shtetit, Jocelyn Benson në një konferencë shtypi të mërkurën në mëngjes, transmeton VOA.

Ekspertët ligjorë, shkruan VOA thanë se edhe pse mund të ketë kundërshtime ndaj fletëvevotimeve të veçanta apo ndaj procedurave të votimit dhe numërimit, është e paqartë nëse mosmarrëveshje të tilla do të përcaktonin rezultatin përfundimtar.

Republikanët dhe demokratët po mbajnë në gatishmëri një numër të madh avokatësh për t’i përdorur nëse lind nevoja.

• LEXO: Zgjedhje dramatike në SHBA, rritet dallimi në vota, në 6 shtete akoma nuk është përcaktuar fituesi
• LEXO: Ekipi kandidatit Trump padi gjyqësore për rezultatet zgjedhore

Nuk janë problem pajisjet teknike, nëse vendosim për gjykim online, Ministri i Drejtësisë, Bojan Mariçiq, vlerëson se nuk do të ishte problem sigurimi i pajisjeve teknologjike për gjykim online, nëse do të gjendej zgjidhje përkatëse ligjore që do të funksiononte në praktikë. Ai i ftoi përfaqësuesit e gjyqësorit dhe prokurorisë t’i vazhdojnë diskutimet për gjykimet online me qëllim siç tha ai, mos e dhëntë Zoti të vjetërsohen lëndët, njofton Portalb.mk.

“Nëse merremi vesh mënyra e gjykimit do të jetë online, sipas kritereve të caktuara që i plotësojnë parimet e gjykimit korrekt, gjithsesi se ne do ta bëjmë gati dhe do ta dorëzojmë në Kuvend. Pasi do të miratohej në Kuvend, ne si Qeveri do të bëjmë gjithçka për përforcimin e vazhdueshëm, në kuptimin e, teknologjisë informatike dhe pajisjeve në gjykata. Jemi të gatshëm që të ndihmojmë edhe më shumë, nëse vendosim për online gjykim, që kërkon pajisje shtesë. Ka edhe një pjesë të fondeve për përforcimin e kapaciteteve teknike dhe institucionale të gjyqësorit. Ajo nuk do të ishte problem nëse do të gjejmë zgjidhje përkatëse që do të funksiononte në praktikë dhe të cilën do të mundemi ta përligjim”, tha Mariçiq në pyetjen e gazetarit të Portalb.mk, në lidhje me ankesën e kryetarit të Gjykatës Penale, Ivan Xholev se një prej pengesave për gjykim online është edhe mungesa e pajisjeve teknike.

• LEXO: RMV, Gjykata Themelore nuk ka kushte teknike për gjykim online, duhet të bëhen edhe ndryshime ligjore

Mariçiq, i ftoi palët që të diskutojnë për këtë, që të gjendet zgjidhje përkatëse që do të funksiononte në praktikë, me qëllim që të mos ngecin proceset gjyqësore, apo të mos vjetërsohen.

“Kjo është çështje që është e komplikuar që kërkon diskutim nga të gjithë faktorët e aktorët. Një ministër, apo vetëm qeveria nuk mundet ta zgjidh këtë problem, pasi që çfarëdo zgjidhje ligjore që të bëjmë, prapë gjyqësori e prokuroria duhet t’i zbatojnë. Për atë, më mirë ai diskutim të vazhdojë dhe të gjejmë zgjidhje të përbashkëta, që do të funksionojnë në praktikë dhe që nuk do të lejojë që të ketë ngecje shumë të madhe në çfarëdo lëndë. Ne me ato ngecje me vite të tëra jemi përballur si shtet dhe si gjyqësor. I ftoj edhe publikisht të gjithë përfaqësuesit e Këshillit Gjyqësor dhe të Prokurorisë, me të cilët deri më tani kemi diskutuar për këto çështje, por edhe shoqatat e gjyqtarëve dhe prokurorëve, që bashkë të gjejmë zgjidhje që të mos ngecin, vonesa, ngecje apo mos e dhëntë Zoti vjetërsim të lëndëve”, shtoi Mariçiq.

Ideja për gjykim online u hodh në opinion pasi që shumë gjykime filluan të anuloheshin pasi që, disa prej palëve të përfshira në proces ishin infektuar me KOVID-19, apo kishin qenë të detyruar në mbylleshin në izolim për shkak të kontakteve me të infektuar.

Zvarritja e proceseve gjyqësore, mund të çojë edhe deri në vjetërsimin e lëndëve dhe kryerësit eventual të veprave penale të mos përgjigjen përpara ligjit. Kjo më tepër theksohet duke e pasur parasysh që shumë lëndë të ish Prokurorisë Speciale janë zvarritur me vite të tëra, me arsyetime banale me qëllim që të vjetërsohet lënda.

Për zvarritjen/vjetërsimin e lëndëve, po punon edhe Këshilli Gjyqësor i cili i ka angazhuar kryetarët e gjykatave që të kontrollojë se kush dhe pse ka lejuar të vjetërsohen lëndë të caktuara. Për shkak KOVID-19, Këshilli Gjyqësor e anuloi konferencën, në të cilën do të duhej që të ftohen të gjithë krerët e gjykatave për të diskutuar për këtë çështje.

• LEXO: Kreu i Këshillit Gjyqësor në RMV: Vetëm pasi e filluam iniciativën për lëndët e vjetruara, gjyqtarët i zgjidhin lëndët

Reformat në pushtetin gjyqësor vazhdojnë të jenë pika e zezë e  të gjitha pushteteve të deritanishme, të cilat nuk arritën që ta ndajnë nga ndikimet politike. Pandemia e virusit korona i la në hije këto reforma, të cilat përveç se janë të rëndësishme për vetë funksionimin e shtetit ligjor, janë dhe kusht i domosdoshëm për anëtarësimin e vendit në BE.

Presidenti i Kosovës, Hashim Thaçi ka dhënë dorëheqje pas ngritjes së aktakuzës ndaj tij nga ana e Prokurorisë së Dhomave të Specializuara. Këtë e njoftoi vetë ai përmes një konference për media, ku u shpreh se nuk do të lejojë që para gjyqit të dalë presidenti, prandaj edhe po jep dorëheqje nga kjo pozitë, shkruan Portalb.mk.

Pas njoftimit për ngritjen e aktakuzës nga ana e Speciales në qershor të këtij viti, Thaçi ishte zotuar se do të jap dorëheqje nëse aktakuza ndaj tij konfirmohet.

“Ashtu siç kam premtuar, nuk do te lejoj që para gjyqit të dal presidenti. Unë sot jap dorëheqje nga pozita e Presidentit të Republikës së Kosovës. Ftoj forcat politike të dëshmojnë maturinë që kërkon koha dhe të mos lejojnë të thellohemi në krizë kushtetuese e institucionale”, deklaroi Thaçi.

Ai kërkoi forcat politike të dëshmojnë maturinë që kërkon koha dhe të qëndrojnë të bashkuar. Thaçi falenderoi ShBA-të dhe tërë aleatët e Kosovës në botë. Asnjë sfidë nuk mund të cënojë partneritetin ton, u shpreh presidenti.

“Më lejoni t’ju falenderoj për solidaritetin dhe mbështetjen në këtë periudhë kohore. Ju ftoj ta ruani qetësinë dhe të shmangni çdo lloj manifestimi publik me motiv mbështetës apo protestues. Ju faleminderoj për besimin që më keni dhënë, kjo nuk eshte lamtumirë por mirupafshim, ky është premtim per ju”.

Ai u shpreh se këto nuk janë momente te lehta për të, por se do të bashkëpunojë me drejtësinë.

“Janë momente jo të lehta për mua, dhe për juve që keni besuar dhe mbështetur në këto 3 dekada për liri. Do të bashkëpunoj ngushtë me drejtësinë dhe jam në dispozicion të drejtësisë. Sot më shume se kurrë ju lus dhe ju bëjë thirrje të mos e humbisni durimin, shpresën dhe besimin”, tha Thaçi

Sot është konfirmuar aktakuza e datës të cilën më 24 qeshor të këtij viti, Zyra e Prokurorit të Specializuar ka njoftuar se ka ngritur aktakuzë ndaj Presidentit Hashim Thaçi dhe ish-Kryeparlamentarit Kadri Veseli për krime kundër njerëzimit.

Thaçi ka gjatë kohës së luftës ka qenë udhëheqës politik i Ushtrisë Çlirimtare të Kosovës.

Pas Jakup Krasniqit, Rexhep Selimit e Kadri Veselit, aktakuza për krime lufte dhe krime kundër njerëzimit i është konfirmuar edhe presidentit Thaçi.

Jakup Krasniqi ishte zëdhënës i UÇK-së gjatë luftës së fundit në Kosovë. Pas luftës, si anëtar i Partisë Demokratike të Kosovës (PDK) ai ishte kryetar i Kuvendit të Kosovës. Ai aktualisht është kryetar i Këshillit Kombëtar të Nismës Socialdemokrate, Nisma dhe nuk kryen ndonjë funksion shtetëro. Ai dje pas bastisjes së banesës dhe shtëpisë, është shoqëruar përnë Hagë ku edhe duhet të fillojë procesi gjyqësor.

• LEXO: Dosja e Hagës, akuza për Thaçin, Veselin dhe kupolën e UÇK
• LEXO: Prishtinë, Prokuroria e Specializuar kryejnë bastisje në shtëpinë e ish-kryeparlamentarit Krasniqi
• LEXO: Gjykata Speciale me aktakuzë ndaj Rexhep Selimit, reagoi Albin Kurti

Pjesëtarë të policisë së Kosovës dhe të Misionit të Bashkimit Evropian për Sundim të Ligjit në Kosovë (EULEX) janë parë para shtëpisë së presidentit të dorëhequr të vendit, Hashim Thaçi, transmeton Anadolu Agency (AA).

EULEX me ndihmë të policisë së Kosovës po kryen bastisje në shtëpinë e Thaçit në Çagllavicë të Prishtinës.

Ndërkohë, Zyra e Prokurorit të Specializuar ka njoftuar se po kryen “operacione në vazhdim e sipër në Kosovë”.

“ZPS aktualisht është duke kryer operacione në Kosovë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit”, njoftoi ZPS mëngjesin e sotëm.

Kujtojmë se dje ish-pjesëtarë të Ushtrisë Çlirimtare të Kosovës (UÇK), përfshirë edhe presidentin e dorëhequr, Thaçi, pas konfirmimit të aktakuzës për krime lufte u transferuan në objektin e paraburgimit të Dhomave të Specializuar të Kosovës (DHSK) në Hagë.

Më herët para se të udhëtojë për në Hagë, Thaçi në një konferencë për media njoftoi dorëheqjen e tij nga posti i presidentit për shkak të konfirmimit të aktakuzës. Ai tha se këtë vendim e merr për të mbrojtur integritetin e shtetit të Kosovës.

Aktakuza e Thaçit u konfirmua pas atyre të Jakup Krasniqit, Rexhep Selimit e Kadri Veselit.

• LEXO: Vjosa Osmani zyrtarisht merr funksionin e u.d. të presidentes së Kosovës
• LEXO: Presidenti i Kosovës Hashim Thaçi dha dorëheqje pasi iu konfirmua aktakuza nga Specialja (VIDEO)
• LEXO: Dosja e Hagës, akuza për Thaçin, Veselin dhe kupolën e UÇK
• LEXO: Prishtinë, Prokuroria e Specializuar kryejnë bastisje në shtëpinë e ish-kryeparlamentarit Krasniqi
• LEXO: Gjykata Speciale me aktakuzë ndaj Rexhep Selimit, reagoi Albin Kurti

Aktualisht nuk ka nevojë për masa shtesë, por vetëm të respektohen ato që janë në fuqi, deklaroi sot ministri i Shëndetësisë së Maqedonisë së Veriut, Venko Filipçe. Ai, në një konferencë për media u bëri thirrje qytetarëve që të mos dalin nga shtëpitë, përveç kur një gjë e till është e nevojshme, si në treg, në punë dhe në shkollë, ndërsa njëkohësisht të përdorin të gjitha masat e mbrojtëse, njofton Portalb.mk.

“Virusi është mjaft i përhapur dhe një pakujdesi e vogël mund të nënkuptojë infeksion”, paralajmëroi Filipçe.

Ai tha se situata në vend nuk ndryshon asgjë nga situata aktuale në rajon, Evropë dhe botë, dhe kjo është një rritja e madhe në numrit të të infektuarve, të hospitalizuarve dhe të vdekurve.

Sidoqoftë, ai theksoi se sistemi shëndetësor është mobilizuar maksimalisht për t’iu përgjigjur sfidës dhe falënderoi të gjithë profesionistët shëndetësorë.

“Edhe pse punojmë nën një presion të madh dhe në një situatë që askush nuk e kishte parashikuar më parë, prapë se prapë, punëtorët shëndetësorë i janë përgjigjur kësaj sfide në një mënyrë shumë të duhur dhe të përgjegjshme. Duke respektuar masat, ne presim të shohim efektin në dy ose tre javët e ardhshme”, tha Filipçe.

Ai tha se të martën do të fillojë vaksinimi kundër gripit sezonal.

LEXO: RMV, të martën do të fillojë vaksinimi kundër gripit sezonal

Ndryshe, në Maqedoninë e Veriut dita ditës shënohen numra rekorde të të infektuarve me virusin korona. Numri i përgjithshëm i të infektuarve ka arritur në 36.372, të shëruarve në 22.562, të vdekurve në 1.084, ndërkaq momentalisht ka 12.762 raste aktive, njofton Portalb.mk.

Filmi i ri i David Oyelowo dhe Angelina Joile do të rikthejë historitë e ‘Liza në Botën e çudirave’ dhe ‘Piter Pan’, të ndërthurura, shkruan Class.

Traileri i filmit ‘Come Away’ u publikua sot, duke prezantuar botën magjike të Alice (Keira Chansa), të vëllait të saj djallëzor Peter (Jordan A. Nash) dhe prindërve të tyre Jack dhe Rose (të luajtur nga Oyelowo dhe Jolie), të cilët inkurajojnë imagjinatën e tyre natyrore.

“Çdo fëmijë ka një zanë të lindur vetëm për ta. Tinker lindi për ty,“-i thotë Rose, vajzës së saj Alice në fillim të trailerit.

“Ajo po ngutet të rritet, ai ëndërron të eksplorojë toka të reja. Kjo është historia e patreguar e një vëllai dhe një motre. Dy aventurierë, Alice dhe Peter-i ynë“- rrëfen Oyeloëo.

Traileri përmban detaje ikonike nga historitë e ‘Alice in Wonderland’ dhe ‘Peter Pan’. Fëmijët imagjinojnë realitetin e tyre të tmerrshëm në një mënyrë më fantastike.

Filmi është vendosur të shfaqet në SHBA në 13 nëntor.

Opozita shqiptare nuk e ka përjashtuar mundësinë që në zgjedhjet e ardhshme lokale, të cilat duhet të mbahen në vitin 2021, të garojnë në koalicion me VMRO-DPMNE-në.

Madje, lideri i Aleancës për Shqiptarët, Zijadin Sela, i pyetur nëse do të bënte koalicion me VMRO-DPMNE-në, edhe pas asaj që ndodhi më 27 prill të vitit 2017, ku u ushtrua dhunë në Kuvend dhe Sela ishte deputeti ndaj të cilit u ushtrua më së shumti dhunë fizike, ai tha se nuk do ta mbaj peng ardhmërinë e qytetarë për shkak të asaj që ka ndodhur. Sela më tej shtoi se për atë që ka ndodhur më 27 prill nuk është përgjegjëse ndonjë parti politike, por individë të cilët dihen në opinion, shkruan Portalb.mk.

“Ndodhitë e 27 prillit nuk janë të interesuara vetëm direkt tek unë dhe 27 prilli nuk do të ndikojë aspak që unë të mbaj peng perspektivën dhe ardhmërinë e fëmijëve tuaj. Në emër të ndodhisë së 27 prillit unë nuk e kam ndërmend që ët amnistojë politikat e gabuara të Zoran Zaevit. Në anën tjetër, nuk është që subjekte politike kanë bërë këto politike qoftë më 27 prill qoftë në ndodhitë tjera, ata janë individë të cilët kanë emër dhe mbiemër. Me sa kam unë informata por, edhe opinioni, ata janë shndërruar në partner biznesi të kryeministrit, Zoran Zaev”, deklaroi Sela.

Ndërkohë, lideri i VMRO – DPMNE-së, Hristijan Mickoski, duke folur për këtë, tha se i vjen keq për atë në të cilën ka kaluar Ziadin Sela si pasojë e ngjarjeve të 27 prillit.

“Unë si njeri asnjëherë nuk i kam ndarë dhe nuk i ndajë qytetarët e Maqedonisë në maqedonas, shqiptar, turq, vllehë, bonshnjak, rom apo të tjerë, por qytetarët që janë fqinj të mi apo miq dhe ashtu kam funksionuar. E vetmja gjë që neve na bashkon është lufta kundër pushteti aktual, lufta kundër korrupsionit dhe krimit.  Më vjen keq për atë që ndodhi më 27 prill dhe për gjithë atë në të cilën ka kaluar Sela dhe ajo asnjëherë të mos përsëritet”, deklaroi Mickoski.

Në lidhje me mundësinë për koalicion, ai theksoi se momentalisht nuk sheh partner të mundshëm te BDI.

“Unë dua të bashkëpunojë me njerëz që e mbajnë fjalën dhe këtë momentalisht nuk e shoh te BDI. Pjesëmarrja e Selës dhe Gashit në këtë aktivitet, është hapi i parë drejt ndarjes së vlerave djathtiste në të cilat besojmë. Unë do të doja që ky bashkëpunim i yni të vazhdojë edhe në të ardhmen dhe pse jo të kulminojë edhe në një koalicion politik para zgjedhjeve lokale”, tha Mickoski.

Nga ana tjetër, edhe Sela u shpreh se koalicionet ndërtohen mbi bazën e mirëbesimit ndërsa, kryeministri Zoran Zaev është politikan i cili nuk e mban fjalën e dhënë.

“Koalicioni ndërtohet mbi bazën e mirëbesimit, mirëbesimi ndërtohet mbi bazën e seriozitetit që ka  një lider partie mbi të gjitha dhe mbi bazën se sa ky lider parti u qëndron pas fjalëve që i thotë në opinion. unë mund të them një gjë, në qoftë se këtu në skenën politike të Maqedonisë së Veriut ka dikush që si qëndron aspak fjalës që e jep dhe i ndryshon fjalët edhe në raport me partnerët e koalicionit por edhe anëtarët brenda, është vetëm Zoran Zaevi”, tha Sela.

Ndërkohë, lideri i Alternativës, Afrim Gashi parimi kryesor i bashkëpunimit duhet të jetë ndërtimi i urave.

“Parimi kryesor i takimit të sotëm dhe i veprimit tonë politik në të ardhmen do të duhet të jetë ndërtimi i urave. Nëse ne shtrijmë dorën e bashkëpunimit, ndërtojmë ura për interes të përgjithshëm, kur të vijë faza e organizimit të zgjedhjeve lokale ne do të ulemi fillimisht me Selën, pastaj edhe me partitë e tjera të shohim cila është më e mira për ne si shqiptarë, për vendin tonë dhe do të marrim vendime gjithmonë duke u nisur nga parimi që ta nxjerrim këtë vend nga kriza dhe të sjellim të mira të përgjithshme për të gjithë qytetarët.”, tha Gashi.

Nën organizim të fondacionit gjerman “Konrad Adenauer” në Shkup, u mbajt konferenca “Partitë popullore konservatore ndërtojnë ura drejt ardhmërisë së përbashkët evropiane”, ku morën pjesë edhe tre liderët, Mickoski, Sela dhe Gashi.

Zoran Zaev, kryeministri i Maqedonisë së Veriut I shoqëruar nga ministrant Kreshnik Bekteshi dhe Boçvarski, dhe drejtorin për resurse nacionale për energjetikë, Bajram Rexhepi, morën pjesë në kontrollin e magjistrales për gazifikim Shkup-Tetovë-Gostivar, transmeton Portalb.mk.

“Me interkonektorin me Greqinë, shteti do të sigurojë furnizim stabil dhe të vazhdueshëm me gaz, pavarur dhe me çmime konkurruese, që është në përputhje me strategjinë tonë afatgjate për energjetike për bashkëpunim rajonal në energjetikë”, deklaroi Zaev.

Zaev theksoi se gazifikimi i gjithë vendit është prioritet i lartë i Qeverisë. Raportohet se gjatësia e kësaj magjistrale është 86 kilometra, e realizuar deri më tani rreth 66%. Ministri Boçvarski raportoi se janë investuar 29 milionë euro në ndërtimin e kësaj magjistrale.

“Kjo dinamikë e punëve të ndërtimtarisë edhe në kushtet e pandemisë, tashmë e ka afruar gazin deri te industria dhe qytetarët, që nënkupton sigurimin e bartjes dhe lidhjes me çmime të ulëta”, deklaroi Zaev.
Ministri Bekteshi theksoi se do të ketë çmime më të mira për qytetarët, ndërsa kompanitë do t’I zvogëlojnë shpenzimet.

Ministri i Shëndetësisë Venko Filipçe, në një video-mesazhi për qytetarët, theksoi se situata me Kovid-19 është kritike dhe spitalet tashmë po plotësojnë të gjitha kapacitetet, njofton Portalb.

“Ndoshta po përballemi me periudhën më të vështirë të trajtimit të pandemisë. Unë kërkoj që të gjithë të jemi maksimalisht të përgjegjshëm dhe të vetëdijshëm për seriozitetin e situatës. Virusi është i përhapur. Neglizhenca ose mosrespektimi më i vogël i masave të mbrojtjes mund të nënkuptojë infeksion. Ne kemi nevojë për mbështetje tani më shumë se kurdo në tetë muajt e fundit. Ajo që ne po kërkojmë si punonjës të shëndetit është me të vërtetë pak – vetëm për të mbrojtur shëndetin tuaj”, tha ministri Filipçe.

Ai potencoi se të gjithë ne po sakrifikojmë diçka nga jeta jonë këtë vit.

“Për disa prej nesh, sakrificë do të thotë më pak financa, punë të humbur, paaftësi për të parë të dashurit tanë. Për të tjerët, kjo nënkupton muaj dhe muaj punë të pandërprerë pa pushim. Për të tjerët, kjo sakrificë do të thotë
shëndet i humbur ose jetë e humbur. Sa vazhdimisht i përmbahemi masave të mbrojtjes do të jetë vendimtare në sa më shumë sakrifica të bëjmë deri në fund të pandemisë. Të gjithë do të vendosin vetë nëse viktima e tyre do të jetë mbajtja maskës, mos grupimi, mbajtja e distancë, apo viktima do të thotë vazhdim i pasigurisë shëndetësore dhe ekonomike”, shton Filipçe.

Thotë se zgjidhja është kjo, ndërsa fuqia e ndryshimeve të punëve është te secili prej nesh.

“Respektoni masat në mënyrë të vazhdueshme. Mbajtja e maskës dhe mbajtja e distancës janë një sakrificë shumë e vogël krahasuar me gjithçka tjetër”, theksoi Filipçe në mesazhin për qytetarët.

Ai paraprakisht përmes një postimi në profilin e tij në Fejsbuk me rastin e festave në vijim apeloi qytetarët që të kremtojnë në rrethin e ngushtë me më të afërmit, njoftonPortalb.

Ish-zëdhënësi i Ushtrisë Çlirimtare të Kosovës (UÇK), Jakup Krasniqi është vetëdeklaruar i pafajshëm para Zyrës së Prokurorit të Specializuar për krime lufte në seancën e parë, 5 ditë pas arrestimit dhe transferimit të tij në Hagë të Holandës, transmeton Anadolu Agency (AA).

Krasniqi në seancën e cila ishte publike tha se ndjehet tepër i mllefosur ngase “në seancë gjendet pa të drejtë”.

“Unë dhe pse kam pasur një bisedë dje me avokaten dhe i kemi shikuar telegrafikisht pikat kryesore të aktakuzës edhe më herët e thash dhe po e them, unë nuk ndjehem fajtor e as përgjegjës për asnjë pikë që thuhet në aktakuzë dhe për asnjë gjë tjetër që thuhet aty”, ka thënë Krasniqi.

Tutje ai ka theksuar se nuk i ka bërë asnjëherë në jetë dikujt padrejtësi, aq sa i është bërë atij padrejtësi nga dita e arrestimit deri në momentin kur u soll në sallën e seancës.

“Jam këtu pa të drejtë, unë duhet të jem në vendin tim dhe me familjen time. Unë nuk ndjej asnjë përgjegjësi të vetme”, ka thënë ai.

Ai ka thënë se nuk ka dashur të ketë avokat mbrojtës në seancat e tij, porse ka pranuar të ketë vetëm pas kërkesave të familjarëve të tij.

Krasniqi ka shprehur kundërshti me atë që aktakuza e quan ndërmarrje kriminale veprimtarinë e ish-udhëheqësve të UÇK-së, duke theksuar se lufta e UÇK-së ka qenë çlirimtare dhe është bërë bashkë me Shtetet e Bashkuara të Amerikës (SHBA), vendet e Bashkimit Evropian (BE) dhe Aleancën Veriatlantike – NATO.

Sipas tij, ndërmarrje e përbashkët kriminale janë serbët në Serbi, të cilët edhe kanë dorë tek gjykata ku është sjellë Krasniqi për gjykim.

“Unë mendoj se adresa e qartë e krejt kësaj maskarade është në Beograd dhe te mbështetësit të politikave të saj kudo qofshin ato”, ka thënë ai.

Në kuadër të një operacioni nga Zyra e Prokurorit të Specializuar apo Gjykata Speciale për krime lufte me seli në Hagë të Holandës, policia e Misionit të Bashkimit Evropian për Sundimin e Ligjit në Kosovë (EULEX) dhe Policia e Kosovës bastisën shtëpinë e Jakup Krasniqit në lagjen Velania në Prishtinë më 4 nëntor dhe më pas e arrestuan atë për ta transferuar drejtë Hagës në të njëjtën ditë.

Mbi ish-kryeparlamentarin Krasniqi dhe presidentin e dorëhequr, Hashim Thaçi i cili do të paraqitet po ashtu sot në orën 15:00 pasdite në seancën e parë, rëndon aktakuza në të cilën ndër të tjera thuhet se “së paku midis marsit 1998 dhe shtatorit 1999 u kryen krimet e luftës të arrestimit dhe ndalimit të paligjshëm ose arbitrar, trajtimit mizor, torturës dhe vrasjes së paligjshme dhe krimet kundër njerëzimit të burgosjes, akteve të tjera çnjerëzore, torturës, vrasjes së paligjshme, zhdukjes me forcë të personave dhe përndjekjes”.

Aktakuza e Thaçit u konfirmua pas atyre të Jakup Krasniqit, Rexhep Selimit e Kadri Veselit.

Ministrat e Jashtëm të Maqedonisë së Veriut dhe Bullgarisë, Bujar Osmani dhe Ekaterina Zaharieva e kanë quajtur historik bashkë-kryesimin e dy vendeve me Procesin e Berlinit, që ndodhë për herë të parë që nga fillimi i procesit, edhe atë me një vend anëtarë dhe një vend kandidat, shkruan Portalb.mk.

Osmani gjatë konferencës së përbashkët online me Zaharievën dhe kryediplomatin gjerman, Haiko Maas, të mbajtur pas takimit të sotëm të ministra të Punëve të Jashmte të Procesit të Berlinit për Ballkanin Perëndimor, tha se kryesimi i dy vendeve është moment historik me simbolikë të madhe, që vërteton se rajoni ndërmerr iniciativa dhe përgjegjësi ndaj proceseve që  e përcaktojnë ardhmërinë e tij. Ai këtu she shenja pozitive se një vend anëtare e BE-së dhe një vend kandidat mund të punojnë së bashku në interes të vendeve të rajonit

“Unë personalisht jam optimist. Vlerësoj se bashkërisht mundemi shumë, vlerësoj se kemi miq që na mbështesin dhe na ndihmojnë, kemi interes të përbashkët të jetojmë në rajon evropian dhe jemi shumë afër që të mos gjejmë zgjidhje të pranueshme për të dyja palët. Fokus i takimit të sotëm ishin të rinjtë. Ne kemi detyrim serioz që të bëjmë gjithçka që të mos lejojmë që gjeneratave të ardhshme t’u lëmë barrë të raporteve reciproke, diçka që gjenerata e kaluar, por edhe e jona nuk ka arritur tërësisht ta tejkalojë”, deklaroi Osmani.

Ndërkohë, Zaharieva tha se Bullgaria e sheh Procesin e Berlinit si vegël për ruajtjes e dinamikës së integrimit evropian të vendeve të Ballkanit Perëndimor dhe afrimin e tyre drejt vlerave evropiane.

“Ne do të vazhdojmë ta mbështesim përpjekjet e të gjithë 6 partnerëve në rrugën e tyre drejt Ballkanit Perëndimor, por ato gjithashtu duhet me përgjegjësi të shohin drejt ardhmërisë dhe t’i ndjekin proceset e reformave. Nuk është mirë për Bashkimin Evropian të jenë të sillen probleme prej jashtë. Ne jemi të bindur se marrëdhëniet e mira fqinjësore janë garancë për stabilitet rajonal dhe për të gjitha çështjet”, deklaroi Zaharieva.

Nga ana tjetër, ministri gjerman theksoi se Gjermania e filloi këtë proces para gjashtë viteve, në mënyrë që të lehtësojë rrugën e anëtarësimit të vendeve të Ballkanit Perëndimor në BE. Ai porositi që të investohet në infrastrukturë, ndërkohë shprehi bindjen se hap pas hapi mund të tejkalohen edhe dallimet politike dhe kontestet akoma të pazgjidhura.

“Procesi i Berlinit u inicua nga ne para 6 viteve, në mënyrë që bëjmë të mundur anëtarësimin e Ballkanit Perëndimor në BE dhe t’u japim një platformë. Domethënia politike e një rruge të tillë është e jashtëzakonshme. Këtë vit, vendet e Ballkanit Perëndimor dëshirojnë të fillojnë një dimension të ri të bashkëpunimit, tregun e përbashkët rajonal. Ajo përforcon ekonominë e të gjithë pjesëmarrësve, ofron lëvizje më të lirë, do të nxisë kompanitë e vogla dhe të mëdha. Ju dëshironi të investoni në ardhmëri dhe kjo është rruga e duhur për të ecë përpara. Për këtë është e rëndësishme që tregu i ri i përbashkët rajonal fokusohet në zgjerimin e infrastrukturës dhe veçanërisht në përforcimin e digjitalizimit. Unë jam i bindur se nëse arrijmë të avancohemi këtu, hap pas hapi do t’i tejkalojmë dallimet politike dhe kontestet që ekzistojnë akoma”, deklaroi Maas.

Nesër (10 nëntor) në kuadër të Procesit të Berlinit, me të cilin këtë vit bashkë-kryesojnë Bullgaria dhe Maqedonia e Veriu, do të mbahet Samiti i Sofjes, ku do të takohen liderët e BE-së dhe të Ballkanit Perëndimor. Në këtë takim pritet të miratohet plani për realizimin e zonës ekonomike rajonale.

Procesit i Berlinit, është inicuar nga kancelarja gjermane Angela Merkel në vitin 2014 dhe ka për qëllim që ta mbështesë integrimin evropian të vendeve nga Ballkani Perëndimor nëpërmjet ekonomisë dhe ndërlidhjes infrastrukturore.

• LEXO: Nesër në Sofje do të zhvillohet Samiti i Ballkanit Perëndimor, kryesojnë Maqedonia e Veriut dhe Bullgaria

Ish presidenti i Kosovës, Hashim Thaçi, sot ka dalë përpara Gjykatës Speciale në Hagë, në të cilën është mbajtur seanca fillestare. Sekretari i Gjykatës, e lexoi aktakuzën e konfirmuar në mënyrë sipërfaqësore, ndërkaq Thaçi, i ka hedhur poshtë të gjitha pikat, njofton Portalb.mk.

10 pikat e akuzës:

• 1 Përndjekje krim kundër njerëzimit
• 2 Burgosje – krim kundër njerëzimit
• 3 Ndalim arbitrar, krim lufte
• 4 Akte të tjera çnjerëzore, krim kundër njerëzimit
• 5 Trajtim njerëzor, krim lufte
• 6 Torturë, krim kundër njerëzimit
• 7 Torturë, krim lufte
• 8 Vrasje, krim kundër njerëzimit
• 9 Vrasje e paligjshme, krim lufte
• 10 Zhdukje me forcë e personave, krim kundër njerëzimit

Sipas akuzës, këto vepra janë bërë prej prillit të vitit 1998 deri në gusht të vitit 1999.

“Ato u kryen në këto vende si: Bajgorë, Llapashticë, Majanc, Potok dhe vende tjera në komunë e Podujevës, vende tjera në komunën e Rahovecit, Drenasit, Ferizajt, Gjilanit, Jabllanicë në Gjakovë, Kaçanik dhe vende tjera në komunën e Lipjanit, Likoc në Skenderaj, Malishevë, në Klinë, Novobërdë, vende tjera në komunën e Prishtinës, Prizrenit, Suharekës dhe Viti dhe Cahan dhe Kukës në Shqipërinë veriore”, tha ai.

Sekretarit tha se krimet në pikat 1,2,4,6,8 u kryen si pjesë e një sulmi ndaj popullatës civile. Këto krime kishin në shënjestër kundërshtarët që kishin lidhje me forcat e ish Republikës së Jugosllavisë (Serbisë), nuk përkrahnin UÇK-në dhe ishin kundër qeverisë së përkohshme duke përfshirë edhe persona që kishin lidhje me LDK-në.

Kurse krimet në pikat 3.5.7.9 u kryen kundër personave që nuk merrnin pjesë në luftime aktive.

“Ju dëgjoja, i kam lexuar dhe i hedh poshtë të gjitha. Akuza është krejt e paqëndrueshme dhe deklarohem i pafajshëm plotësisht”, tha Thaçi, pasi që gjykatësi i lëndës Nicolas Guillou i dha leje për t’u deklaruar në lidhje me akuzën.

Avokati i Thaçit, David Hooper, deklaroi se Thaçi do të bashkëpunojë me Gjykatën, por ka dhënë kritika se shumë pak u kanë dhënë për të përgatitur mbrojtjen.

“Ne për herë të parë për këto çështje jemi njoftuar të mërkurën në mbrëmje apo të enjten, pra me fjalë të tjera nuk ishte e mundur që të themelohet një ekip mbrojtës dhe njerëz që do të dëshironin të ishin të pranishëm. Është e pakuptimtë dhe e kemi të vështirë ta kuptojmë se pse është bërë kjo”, tha Hooper.

Ai shpërtheu në kritika edhe në lidhje me atë se ku janë aktakuzat për trafikim të organeve.

“Ku janë pretendimet për vjedhjen e organeve e organeve njerëzore dhe historia e shtëpisë së verdhë e cila ishte kaq e rëndësishme për nxitjen e krijimit të kësaj gjykate”, tha avokati.

Paraprakisht ka dhënë deklaratë para Gjykatës Speciale, ish-zëdhënësi i Ushtrisë Çlirimtare të Kosovës (UÇK), Jakup Krasniqi. Edhe ai, sikur Thaçi është vetëdeklaruar i pafajshëm.

Krasniqi në seancën e cila ishte publike tha se ndjehet tepër i mllefosur ngase “në seancë gjendet pa të drejtë”. Ai ka theksuar se nuk i ka bërë asnjëherë në jetë dikujt padrejtësi, aq sa i është bërë atij padrejtësi nga dita e arrestimit deri në momentin kur u soll në sallën e seancës. Krasniqi ka shprehur kundërshti me atë që aktakuza e quan ndërmarrje kriminale veprimtarinë e ish-udhëheqësve të UÇK-së, duke theksuar se lufta e UÇK-së ka qenë çlirimtare dhe është bërë bashkë me Shtetet e Bashkuara të Amerikës (SHBA), vendet e Bashkimit Evropian (BE) dhe Aleancën Veriatlantike – NATO.

Mbi ish-kryeparlamentarin Krasniqi dhe presidentin e dorëhequr, Hashim Thaçi, rëndon aktakuza në të cilën ndër të tjera thuhet se “së paku midis marsit 1998 dhe shtatorit 1999 u kryen krimet e luftës të arrestimit dhe ndalimit të paligjshëm ose arbitrar, trajtimit mizor, torturës dhe vrasjes së paligjshme dhe krimet kundër njerëzimit të burgosjes, akteve të tjera çnjerëzore, torturës, vrasjes së paligjshme, zhdukjes me forcë të personave dhe përndjekjes”.

Aktakuza e Thaçit u konfirmua pas atyre të Jakup Krasniqit, Rexhep Selimit e Kadri Veselit.

Protestuesit sulmuan ndërtesat qeveritare në Jerevan pasi Armenia, Azerbajxhani dhe Rusia nënshkruan një marrëveshje për t’i dhënë fund konfliktit ushtarak në rajonin e diskutueshëm Nagorno-Karabak. Kryeministri armen Nikole Pashinia e përshkroi marrëveshjen si “jashtëzakonisht të dhimbshme për të dhe njerëzit e tij”, duke shtuar se e kishte nënshkruar atë me këmbënguljen e ushtrisë, njofton Portalb.mk.

Luftimet në Nagorno-Karabak rifilluan gjashtë javë më parë, duke vrarë mijëra dhe duke zhvendosur 100,000 të tjerë. Ky territor është pjesë e Azerbajxhanit, por është nën kontrollin e armenëve etnikë.

Rusia sot filloi vendosjen e paqeruajtësve të saj përgjatë vijës së frontit. Ata do të formojnë një korridor midis rajonit dhe Armenisë dhe janë planifikuar të qëndrojnë atje për pesë vjet.

“Marrëveshja e nënshkruar do të jetë një pikë kyçe për zgjidhjen e përhershme të konfliktit,” tha Presidenti i Azerbajxhanit Ilham Alijev.

Sipas marrëveshjes, Azerbajxhani do të mbajë territoret që ka përvetësuar në të kaluarën, duke përfshirë qytetin e dytë më të madh të enklavës, Shusha, kurse forcat armene duhet të tërhiqen edhe nga disa rajone të tjerë deri në 1 dhjetor.

Kancelarja gjermane, Angela Merkel, gjatë paraqitjes së saj online në Samitin e Sofjes, ka porositur vendet e rajonit që duhet të pajtohen dhe të zgjidhin mosmarrëveshjet që kanë mes vete, pasi kjo është shumë e rëndësishme, shkruan Portalb.mk.

“Procesi i Berlinit çdoherë është i lidhur edhe me zgjidhjen e mosmarrëveshjeve dhe trashëgiminë e të kaluarës dhe shpresoj se ky proces do të vazhdoj. Është shenjë e mirë që konferenca e vendosur në emër të Procesit të Berlinit, ka mundësuar që të takohen njerëzit, vendet anëtarë të Ballkanit. I inkurajojë të gjitha vendet e Ballkanit Perëndimor që të avancojnë edhe bashkëpunimin në shkencë sepse ajo është mënyra më e mirë që të promovohet hulumtimi dhe zhvillimi, inovacioni që të gjithë e duam dhe ajo do përmirësojë gjendjen në shtetet tuaja. Në konferencën në Sofje, do të dëshiroja t’ju ftoja që të gjithë të vini në Berlin vitin e ardhshëm, shpresoj se do të jetë i mundur ky takim në verën e vitit të ardhshëm dhe edhe njëherë do të vlerësojmë se ku kemi mbërri me Procesin e Berlinit. Për rajonin ajo që duhet ta them, duhet të pajtoheni, mos harroni, sepse ajo është shumë e rëndësishme”, deklaroi Merkel.

Ajo ka përshëndetur memorandumet e nënshkruara gjatë këtij samiti, si dhe formimin e tregut të përbashkët të rajonit, duke e cilësuar atë si një porosi të rëndësishme për ekonomitë e vendeve të BE-së.

Kryeminsitri i Maqedonisë së Veriut, Zoran Zaev, i cili së bashku me homologun e tij bullgar, Bojko Borisov, ishin bashkë – kryesuese të Procesit të Berlinit këtë vit, tha se për të është shumë e qartë se rajoni e ka pranuar fuqishëm këtë proces si të vetin. Njëkohësisht, ajo ka siguruar një platformë të jashtëzakonshme për kultivimin e mëtejmë të raporteve të rajonit.

“Bashkimi Evropian në mënyrë të guximshme konfirmoi mbështetjen për Ballkanit Perëndimor, me paralajmërimin e 9 miliardë eurove në grante, si plotësim i instrumentit të ri si garancë për Ballkanin Perëndimor, me të cilin duhet të rriten investimet për 20 miliardë euro shtesë. Kjo pako do të sigurojë mbështetje të madhe financiare për proceset tona të reformave dhe për transformimin e rajonit. Të gjithë ne u pajtuam se duhet të rrisim përpjekjet tona për përparim shtesë real në proceset e reformave si dhe të avancohet bashkëpunimi ekonomik rajonal dhe të vendosen themelet për rritje të qëndrueshme. Vetëm një rajon me lidhshmëri të integruar mund të shkojë drejt BE-së”, deklaroi Zaev.

Ndërkohë, Borisov u shpreh se dëshirojnë që qytetarët e Ballkanit të kenë sa më shumë të jetë e mundur të ardhura me sa më shumë të ardhura dhe t’i mbajmë në këtë rajon.

“Të gjitha këto mjete, 3 miliardë plus 6 miliardë të reja, japin mundësi për një infrastrukturë të jashtëzakonshme të Ballkanit Perëndimor. Unë jam shumë falënderues dhe i kënaqur nga kolegët që u pajtuan që të nënshkruajmë deklaratën e Sofjes me agjendë të gjelbër për vendet e Ballkanit Perëndimor. Sepse, vendet anëtare të BE-së kemi në plan që për 50 vite të ketë 0 emetime, tjetra do të ishte në konkurrencë lojale”, deklaroi Borisov.

Në këtë samit, i cili u mbajt online, morën pjesë edhe përfaqësues të lartë të BE-së.

Ndërkohë u miratua plani aksionar katërvjeçar për treg të përbashkët rajonal, për të cilin liderët e shteteve dhe qeverive nënshkruajtën deklaratë, si dhe deklaratë për agjendë të gjelbërt për Ballkanin Perëndimor.

Po ashtu, u nënshkruan edhe një sërë memorandume dhe protokolle, siç është memorandumi për standarde të përbashkëta rajonale për marrëveshje ndërkombëtare dhe investime dhe protokolle për qasje të hapur drejt infrastrukturave të vendeve të Ballkanit Perëndimor.

Kujtojmë se, disa ditë me radhë midis Shkupit, Sofjes dhe Berlinit po zhvillohet një linjë e nxehtë për të tejkaluar kontestin. Ministri i Jashtëm gjerman Hajko Mas dje porositi se kontesti duhet të zgjidhet në mënyrë bilaterale midis dy vendeve.

Pyetja është nëse Bullgaria do të jetë në gjendje të pranojë zgjidhjen e arritur në Berlin për shkak të mosmarrëveshjeve në koalicionin qeverisës, por edhe rezistencës së Presidentit Rumen Radev dhe socialistëve në opozitë.

Bullgaria e bllokon fillimin e negociatave të Maqedonisë me BE-në, duke kërkuar që Shkupi t’i pranojë kërkesat bullgare se gjuha maqedonase është dialekt i gjuhës bullgare dhe se kombi maqedonas është krijuar nga Tito.

• LEXO: Bullgaria në Berlin pranoi non-paper për gjuhën maqedonase që RMV-ja të fillojë negociatat me BE-në, por pastaj u bë pishman
• LEXO: Zaharieva: Kushtet tona nuk kanë ndryshuar me vite, Osmani megjithatë optimist

Në Gjykatën Speciale në Hagë është mbajtur seanca fillestare për gjykimin kundër ish shefit të Shërbimit Informativ të UÇK-së, Kadri Veselit, në të cilin ai po akuzohet nga Dhomat e Specializuara që bashkë me ish krerët e UÇK-së, gjatë periudhës së luftës në Kosovë kanë kryer krime lufte dhe krime kundër njerëzimit. Veseli u deklarua se nuk ndihet fajtor për këto akuza, njofton Portalb.mk.

Në fillim të gjykimit, gjykatësi Nicolas Guillou e njoftoi Veselin me të drejtat e tij si palë e akuzuar, ndërkaq më pas e urdhëroi sekretaren e Gjykatës t’i lexojë 10 pikat e akuzës së konfirmuar.

1. Përndjekje, krim kundër njerëzimit
2. Burgosje, krim kundër njerëzimit
3. Ndalim arbitrar, krim lufte
4. Akte të tjera çnjerëzore, krim kundër njerëzimit
5. Trajtim mizor, krim lufte
6. Torturë, krim kundër njerëzimit
7. Torturë, krim lufte
8. Vrasje, krim kundër njerëzimit
9. Vrasje e paligjshme, krim lufte
10. Zhdukje me forcë e personave, krim kundër njerëzimit

“Ato u kryen në këto vende si: Bajgorë, Llapashticë, Majanc, Potok dhe vende tjera në komunë e Podujevës, vende tjera në komunën e Rahovecit, Drenasit, Ferizajt, Gjilanit, Jabllanicë në Gjakovë, Kaçanik dhe vende tjera në komunën e Lipjanit, Likoc në Skenderaj, Malishevë, në Klinë, Novobërdë, vende tjera në komunën e Prishtinës, Prizrenit, Suharekës dhe Viti dhe Cahan dhe Kukës në Shqipërinë veriore”, tha ai.

Sekretarit tha se krimet në pikat 1,2,4,6,8, 10 u kryen si pjesë e një sulmi ndaj popullatës civile. Këto krime kishin në shënjestër kundërshtarët që kishin lidhje me forcat e ish Republikës së Jugosllavisë (Serbisë), nuk përkrahnin UÇK-në dhe ishin kundër qeverisë së përkohshme duke përfshirë edhe persona që kishin lidhje me LDK-në.

Kurse krimet në pikat 3.5.7.9 u kryen kundër personave që nuk merrnin pjesë në luftime aktive.

Pasi u lexua aktakuza, ish-kreu i Parlamentit dhe kreu i Partisë Demokratike të Kosovës, Kadri Veseli u deklarua i pafajshëm.

“Faleminderit i nderuar gjykatës, i dëgjova dhe i kam lexuar të gjitha pikat e aktakuzës. Më lejoni të deklarohem me bindje të plotë dhe jam tërësisht i pafajshëm në të gjitha pikat e aktakuzës”, tha Veseli.

Mbrojtësi i tij, Ben Emmerson ka kërkuar që Veselit ë lirohet nga paraburgimi deri në kohën kur të fillon gjykimi ndaj tij.

Seancës së sotme i kanë paraprirë seancat e djeshme ku të akuzuar në po të njëjtën akuzë janë, ish kryeparlamentari, Jakup Krasniqi dhe ish presidenti Hashim Thaçi, të dy ish eprorë të UÇK-së. Pritet që të deklarohet edhe Rexhep Selimi.

• LEXO: Jakup Krasniqi u vetëdeklarua i pafajshëm në Gjykatën Speciale në Hagë (VIDEO)
• LEXO: Hashim Thaçi akuzohet në 10 pika për krime lufte dhe kundër njerëzimit, deklarohet i pafajshëm

Disa aktivist të rinj të Komunës së Tetovës kanë vendosur autobusë të improvizuar pikërisht para stacioneve të pritjes së autobusëve të cilat komuna i vendosi disa ditë më herët, në këtë formë, ata synojnë që përmes këtij veprimi të japin një mesazh. Rikujtojmë se fakti që në Tetovë nuk ka autobusë por u vendosën stacionet pritëse, ngjalli reagim te qytetarët të cilët vazhdimisht kanë ironizuar me këtë fakt, shkruan Portalb.mk..

Pikërisht për arsye se në Tetovë nuk ka autobusë por janë vendosur stacionet pritëse, këta të rinj ironizojnë duke potencuar se “autobusët fantazmë” do të ju shërbejnë qytetarëve deri në zgjidhjen reale të problemit.

“Vendosëm këto autobusë fantazmë, shpresojmë se do të ju shërbejnë qytetarëve të Komunës së Tetovës deri në zgjidhjen përfundimtare të këtij procesi” u shprehën aktivistët e rinj.

Aksioni “Mbrohu dhe mbroj të tjerët!” është i financuar nga Fondacioni Shoqëri e Hapur- Maqedoni.

Në Tetovë stacione pritëse ka, autobusë jo

Me ironi, sarkazëm dhe shaka një pjesë e qytetarëve të Komunës së Tetovës kanë komentuar në rrjetet sociale vendosjen e stacioneve pritëse për transportin publik në Tetovë, marrë parasysh se autobusë ende nuk ka. Këto stacione janë vendosur në disa lokacione të qytetit, duke filluar nga rruga e Universiteteve deri në qendër. Ndërkaq, Teuta Arifi për Portalb.mk premtoi se para Vitit të Ri, do të përfundoje procedura e furnizimit me pesë autobusë.

• LEXO: Tetovë, Arifi përsëri premtoi se para Vitit të Ri do të ketë autobusë, qytetarët ironizojnë me stacionet pritëse

Arifi thotë se deri para Vitit të Ri, do të finalizohet krejtësisht procedura për furnizim me autobusë në Tetovë. Ndërkaq, me datë 13 nëntor është hapja e ofertave ku edhe do të zgjidhet kompania e cila do të furnizoje Tetovën me autobusë.

“Ne jemi në procedurë të furnizimit, kemi pasur procedurë e cila është ripërsëritur pas vlerësimeve të komisioneve dhe këshilltarëve të bankës botërore, ne vlerësojmë që deri në vitin e ri, para vitit të ri do të mbaroje i gjithë procesi i furnizimit, në ndërkohë është duke u realizuar edhe vënia komplete në funksion e ndërmarrjes së transportit publik e cila më pas do të menaxhoje me procesin e funksionimit të këtyre autobusëve, është një projekt i cili me ndihmën e bankës botërore dhe me angazhimin e plotë të administratës tonë dhe administratës bankës botërore, do të jetë në të mirë për qytetarët” tha Teuta Arifi, kryetare e Komunës së Tetovës.

Rikujtojmë se deri në këtë fazë edhe herën e fundit arriti komuna e Tetovës dhe më pas dështoi, me arsyetimin se asnjë nga kompanitë ofertuese nuk i kishte plotësuar kushtet për të fituar tenderin përkatës.

• LEXO: Tetovë, procedura për sigurimin e autobusëve përsëri në pikën 0, ja pse

Premtimin për transportin publik në Tetovë, kryetarja e Komunës së Tetovës, Teuta Arifi e dha në mandatin e saj të parë në Programin për zgjedhje lokale të vitit 2013 “Ndërtojmë së bashku“,  ndërsa të njëjtën e përsëriti dhe në debatin e organizuar nga “BIRN Kosovë” dhe “Portalb.mk” në tetor të vitit 2017. Ky premtim i Arifit nuk është realizuar. 

Nga ana tjetër, Komuna e Tetovës në shtator të këtij viti për herë të dytë e ka themeluar ndërmarrjen për transport publik “Tetova Transport”, pasi e para nuk ka arritur të vihet në funksion dhe e njëjta ka pushuar së vepruari automatikisht shkaku i afateve ligjore për funksionalizim të së njëjtës, kurse në mbledhjen e fundit të Këshillit Komunal, u votua edhe statuti i kësaj ndërmarrje.

• LEXO: Tetovë, procedura për sigurimin e autobusëve përsëri në pikën 0, ja pse
• LEXO: Komuna e Tetovës dy herë themelon ndërmarrjen për transport publik, por autobusë s’ka
• LEXO: Komuna e Tetovës ende nuk ka aplikuar në Bankën Botërore për autobusët e transportit publik
• 2016: Tetova ende pa transport publik!
• 2017: Tetovarët akoma presin transportin publik!
• 2018: Edhe pse dy mandate u premtua, Tetova vazhdon të jetë pa transport publik
• 2019: Tetovarët vite me radhë kërkojnë transport publik, Komuna shpreson në Bankën Botërore

Kryeministri i Kosovës, Avdullah Hoti nëpërmjet një konference për media në qeveri sot njoftoi se nga e premtja e kësaj jave në orën 19:00 do të hynë në fuqi masa të reja për parandalimin e përhapjes së koronavirusit të ri (COVID-19) në Kosovë, raporton Anadolu Agency (AA).

Bashkë me ministrin e Shëndetësisë, Armend Zemaj si dhe drejtorin e Institutit Kombëtar i Shëndetësisë Publike në Kosovë (IKSHPK), Naser Ramadani, Hoti në konferencë tha se kanë analizuar dhe vlerësuar se gjendja epidemiologjike në vend është tepër e vështirë, gjë për të cilën është bërë e patjetërsueshme marrja e masave të reja.

Ai tha se Kosova është në limitet e kapaciteteve të saj për përballimin e pandemisë ndërsa theksoi se masat e reja janë të ndara në dy grupe, në ato që përfshijë gjithë territorin e Kosovës dhe masa të cilat vlejnë për komuna të kategorizuara në tre grupe sipas nivelit të rrezikshmërisë.

Sa u përket masave që përfshijnë gjithë territorin e Kosovës, Hoti tha se ato përfshijnë: kontrollet në hyrje-daljet nëpër kufijtë e Kosovës; arsimi i lartë kalon plotësisht në formën online ndërsa ai parauniversitar sipas manualeve nga Ministria e Shëndetësisë, ajo e Arsimit dhe komunave; ekipet mjekësore teknike rikthehen nëpër pikat kufitare për kontrolle; ngritën shtabet komunale emergjente nëpër komuna.

Sa u përket masave të reja specifike për komunat, kryeministri Hoti tha se IKSHPK i ka ndarë ato në komuna me rrezikshmëri të lartë (mbi 150 të infektuar brenda javës), rrezikshmëri të mesëm (76 deri 150 të infektuar brenda javës) dhe të ulët (deri në 75 të infektuar brenda javës).

Në komunat me rrezikshmëri të lartë ku është e koncentruar mbi gjysma e aktivitetit ekonomik e ku përfshihen Prishtina, Podujeva, Gjakova, Peja, Ferizaji, Fushë Kosova, aktiviteti ekonomik do të mbyllet nga ora 19:00 e mbrëmjes deri në orën 5:00 të mëngjesit dhe në këtë orar do të ndalohet edhe lëvizja e lirë me orë policore.

“E lejojmë aktivitetin ekonomik të zhvillohet deri në orën 7 të mbrëmjes me specifikat sipas manualit për mbrojtjen nga COVID-19. Nga ora 7 mbyllet çdo aktivitet ekonomik dhe vendoset kufizim i plotë i lëvizjes së qytetarëve në këto komuna. Praktikisht do të ketë orë policore nga ora 7 e tutje në këto komuna. Dhe e dyta, ndalohen hyrje-daljet në këto komuna nga ora 7 deri në orën 5 në mëngjes”, tha Hoti.

Ndërkaq, në komunat me rrezik të mesëm, operatorët ekonomik lejohen të punojnë nga ora 5:00 të mëngjesit deri në orën 18:00 të mbrëmjes me staf esencial, ndërsa pas këtij orari gastronomisë i lejohet funksionimi me metodën “merre me vete”, ndërsa qytetarëve nuk u ndalohet lëvizja e lirë.

Në komunat me rrezikshmëri të ulët, operatorët ekonomik do të lejohen të punojnë nga ora 5:00 e mëngjesit deri në orën 20:00 të mbrëmjes ndërsa pas këtij orari gastronomia mund të punojë me metodën e porosive “merre me vete”, ndërsa qytetarëve nuk u ndalohet lëvizja e lirë.

Masat që priten të votohen sot nga një mbledhje online e Qeverisë, Hoti tha se do të hynë në fuqi të premten nga ora 19:00 kur parashihet mbyllja për komunat me rrezikshmëri të lartë. Ai paralamjëroi se nëse bizneset nuk i respektojnë këto masa, do të ndëshkohen.

“Nëse një shitore, një restorant, një qendër tregtare, nëse një biznes ose institucion çfarëdo qoftë ai, nuk i zbaton masat me këtë vendim të Qeverisë dhe masat tjera që parashihen në ligjin përkatës për mbrojtjen nga COVID-19 ose masat tjera që i ndërmerr vetë Ministria e Shëndetësisë do të ketë mbyllje totale për ato biznese, së paku për 3 muaj. Nuk kemi zgjidhje tjetër. Jemi duke kaluar nëpër situatën më të vështirë në 20 vitet e fundit. Kjo situatë nëpër të cilën po kalojmë krahasohet vetëm me luftën”, tha Hoti.

Ditëve të fundit janë shtuar rastet e reja të të infektuarve me koronavirus në Kosovë. Nga fillimi i përhapjes së pandemisë deri më tash Kosova ka regjistruar 773 raste të vdekjes, 25.388 të infektuar dhe 16.362 të shëruar.

Maqedonia e Veriut sot u kualifikua për herë të parë në Kampionatin Evropian, pasi fitoi në ndeshjen kundër ekipit të Gjeorgjisë, transmeton Portalb.mk. 

Goran Pandev ishte futbollisti i cili i siguroi fitoren Maqedonisë së Veriut, 0-1.

Në formacionin e parë luajtën Ademi, Alioski, Musliu, Bejtullai, së bashku me Pandevin, Nestorovskin, Nikollovin, Ristovskin, Velkovskin dhe portierin Dimitrievski.

Venko Filipçe, ministri i shëndetësisë në RMV kërkoi që qytetarët të respektojnë masat edhe gjatë kësaj feste, pas festës së tifozëve nëpër rrugët e qytetit.

“Ditë e madhe për festë të merituar, megjithatë ju lutem atë ta bëni duke respektuar masat mbrojtëse”, kërkoi Filipçe, duke u shprehur optimist se ky është vetëm fillimi i suksesit të përfaqësueses.

Ndryshe, Kampionati Evropian Euro 2020 është kampionati i cili u prolongua për vitin 2021 për shkak të pandemisë. Sonte në tre ndeshje tjera do të zbulohen edhe emrat e tri skuadrave që do të kualifikohen në këtë kampionat:

20:45 Hungaria – Islanda

20:45 Irlanda e Veriut – Sllovakia

20:45 Serbia – Skocia

Deri më tani janë kualifikuar 21 skuadra: Belgjika, Italia, Rusia, Polonia, Ukraina, Spanja, Franca, Turqia, Anglia, Çekia, Finlanda, Suedia, Kroacia, Austria, Holanda, Gjermania, Portugalia, Zvicra, Danimarka, Uellsi dhe Maqedonia e Veriut.