“I akuzuari ish-ministri i Punëve të Brendshme dhe drejtori i Byros për Siguri Publike, Mitko Çavkov është në gjendje të mirë psikike, por me probleme shëndetësore”, deklaroi në një debat të “Makfaks”-it njëri nga avokatët e tij, Petar Vasillev, njofton Portalb.mk.
Ai tha se për shkak faktit që Çavkovit në verë i është vendosur stend, problem i paraqet shëndeti fizik sepse në burg në Shuto Orizare nuk mund t’i zbatojë rekomandimet e mjekut që të lëvizë nga 8 deri 10 kilometra në ditë.
Vasillev tha se gjykata nuk i ka marrë parasysh rrethanat se i akuzuari, Çavkov ka pasur dokumentacion mjekësor kur ia përcaktuan masën e paraburgimit. Ai përsëriti se Këshilli Penal i Gjykatës Themelore Shkupi 1- Shkup e ka hedhur vendimin e gjykatësit të procedurës paraprake dhe e ka konfirmuar paraburgimin për Çavkov.