Qytetarët e Kumanovës bashkëjetojnë me respekt të ndërsjellë ndaj njëri-tjetrit, të vetëdijshëm se nuk ndajnë vetëm qytetin por njëherit edhe fatin e përbashkët. Dallimet etnike dhe fetare nuk paraqesin asnjë pengesë, thanë për Portalb vetë qytetarët në anketën e realizuar. Veç tjerash theksuan se konflikti i armatosur më 9 Maj, nuk i dobësoi aspak raportet që ata kishin mes vete, përkundrazi.
Ndryshe, sipas ndarjes së re territoriale të vitit 2004 Kumanova është komuna më e madhe në Maqedoni, me hapësirë prej 509,48 km2 dhe 103.205 banorë. Struktura e popullsisë është heterogjene edhe atë jo vetëm në qytet por edhe në pjesën më të madhe të fshatrave, ku jetojnë banorë të nacionaliteteve të ndryshme./Portalb.mk