Grupi OTR, makinat e shtrenjta i kanë gjithmonë pjesë të pandashme të videoklipeve. Markat nga më të ndryshmet të viteve të fundit shihen teksa drejtohen nga Noizy dhe anëtarët e tjerë të grupit.
E paralelisht me pasionin për veturat luksoze, vjen edhe dëshira për shpejtësi të mëdha dhe akrobacione. Këtë OTR e kanë ekspozuar mbrëmë në Tiranë ku kanë ‘bllokuar’ lëvizjen teksa pothuajse asgjë nuk shihet në rrugë nga tymi i krijuar prej gomave.
Ky moment nuk ka kaluar pa u postuar nga Enca në rrjetin social Snapchat e cila ka dëshmuar në këtë formë krenarinë e të qenurit pjesë e këtij grupi në të cilin nisi karrierën.
Këtij spektakli me vetura, me siguri do t’ia kishte lakmi edhe drejtuesit e filmit ‘Fast and Furious’, transmeton prive.