Disa minuta para se një surfues në bregdetin Manly të Sidneit, Australi, të vendos të bëjë video e kuptoi se një peshkaqen po notonte vetëm disa metra larg tij, raporton Mirror.
Ishte shumë e frikshme për surfuesin të gjendej ashtu në detin e hapur afër grabitqarit vdekjeprurës. Në video, dëgjohet se si surfuesi merr frymë rëndë, si ai përpiqet të surfojë ngadalë e të mos tërheq vëmendje.
Për disa sekonda surfuesi e fut aparatin e tij në ujë dhe në pamje shihet peshkaqeni i madh, që qëndronte pezull pranë tij. Më pas ai u përpoq të sillej rreth peshkaqenit, duke u kthyer mbrapa në ujërat e cekëta. Por më në fund krijesa u zhduk. Surfuesi nuk u lëndua.
Më herët, gjatë këtij viti kishte vdekur një burrë, pasi një peshkaqen ia kishte kafshuar të dy këmbët, në Ballina, Uellsin e Ri Jugor.