Kamerat e vendosura në trupin e efektivëve të Policisë Rrugore në Shqipëri vazhdojnë të sjellin histori nga më të ndryshmet, ku ajo që bien sy është presioni ndaj policëve.
Rasti i fundit është ai i një drejtuesi mjeti, i cili është ndaluar nga policia për shkelje të rregullave të qarkullimit. Pasi ka kaluar me semafor të kuq, shoferi duhet të përballet me policinë, por nuk pranon shkeljen. Pasi i jepet masa për shkeljen (heqje patente), ai reagon: Ti më heq patentën mua? S’ka shanse! Asnjëherë në botë! Mos u merr me atë punë. Mos më acaro!