Një turiste ka gjetur vdekjen pasi përplasi kokën në tokë nga presioni i lartë i ajrit që një aeroplan ka shkaktuar kur është ngritur në fluturim, në një plazh të famshëm ku aeroplanët fluturojnë ngjitur me kokat e pushuesve.
Gruaja 75-vjeçare po mbahej në gardh me zinxhirë në aeroportin e territorit holandez të Karaibeve të Sint Maarten por presioni i lartë ka bërë që asaj ti shkëputen duart dhe të godasë kokën në një bordurë betoni, transmeton Oranews.
Në Maho Beach pista e avionit ndodhet vetëm pak metra larg plazhit ku pushojnë turistët dhe njihet si aeroporti më i frikshëm në botë. Për këtë arsye mjëra njerëz që kërkojnë aventurë dhe emocione mblidhen çdo ditë aty për ta provuar këtë ndjesi.
