Stuhia me shi të rrëmbyshëm që ka kapluar këtë pasdite Tetovën, ka paralizuar gjithë komunikacionin në qytet.
Rrugët dhe lagjet janë përmbytur nga shiu i cili ka vështirësuar edhe lëvizjet e qytetarëve. Disa fshatra të Komunës së Tearcës dhe komunës së Zhelinës janë pa energji elektrike.
Vërshime Tetovë
Rruga rajonale Tetovë – Jazhincë është tërësisht e bllokuar. Në fshatin Dobrosht lumi ka dalë nga shtrati duke e kthyer rrugën të pakalueshme dhe autoritetet komunale u bëjnë apel edhe qytetarëve të Kosovës, që të mos nisen kësaj rruge, njofton RTVM2.
Shiu i rrëmbyeshëm ka shkaktuar dëme të konsiderueshme materiale. Lumi Shkumbin ka dalë nga shtrati duke shkaktuar panikë dhe tmerr tek qytetarët që jetojnë pranë tij.
Pas daljes nga shtrati të lumit Shkumbin, shumë banorë pranë lumit i kanë lëshuar banesat dhe shtëpitë e tyre.
Rrëshqitjet e dheut të shkaktuara nga shiu, kane bllokuar edhe rrugën që të çon në Brodec dhe në disa fshatra të tjerë të Malësisë së Tetovës.
Bllokohet rruga Tetovë – Jazhincë nga reshjet e shiut
