Presidenti i Shteteve të Bashkuara, Barack Obama, i ka dhënë nënpresidentit Joe Biden Medaljen Presidenciale të Lirisë, që është nderi më i lartë civil në SHBA, shkruan Rel, transmeton Portalb.mk.
Obama ka thënë se Biden ka pasur besim tek amerikanët, dashuri për vendin dhe se ka kaluar gjithë jetën në shërbim.
Çmimi vjen në kohën kur Obama dhe Biden po përgatiten të lënë zyrën, pasi presidenti i zgjedhur, Donald Trump, do të inaugurohet më 20 janar.
Biden ka thënë se “ka qenë pjesë e udhëtimit të një njeriu të shquar, i cili ka bërë gjëra të jashtëzakonshme”.