Luke Aikins është hedhur nga lartësia 7.620 metra pa parashutë dhe ka mbërritur shëndosh e mirë në rrjetën prej 30 metrash katrorë në luginën Simi në Kaliforninë Jugore.
Kështu Aikins 42 vjeç u bë njeriu i parë i cili nga një lartësi e tillë është hedhur pa parashutë.
Koha e zbritjes ka qenë rreth dy minuta, ndërsa Luke binte në rrjetë me shpejtësinë 240 kilometra në orë.
Përreth rrjetës ishin vendosur drita në mënyrë që kërcimtari ta shikonte vendin ku duhej të binte.
“Do të gënjeja nëse them se nuk jam nervoz”, tha Luke para kërcimit.